{"id":158,"date":"2023-04-12T15:50:47","date_gmt":"2023-04-12T13:50:47","guid":{"rendered":"https:\/\/azote.com\/wordpress\/?page_id=158"},"modified":"2023-04-12T15:50:47","modified_gmt":"2023-04-12T13:50:47","slug":"lours-de-sevrier-en-patois","status":"publish","type":"page","link":"http:\/\/azote.com\/wordpress\/lours-de-sevrier-en-patois\/","title":{"rendered":"l’ours de Sevrier en patois"},"content":{"rendered":"\n

L’ORS DE SEVRI<\/strong><\/p>\n\n\n\n

Y a lontin de S\u00e8ti\u00e9, Kan d’itou t\u00f4 p tiou, avo\u00e9 l’minton, l\u00e9 zo\u00ea sin pieu, as pr\u00f4pre kon ku d’botoye, l\u00e9 piote as’grousse kmin d’alm\u00e9ttes, l’n\u00e2 b\u00e9ku, k\u00f3rieu kmin onna bellta, d’itou pl\u00e8 \u00e9reu k’ loz ang\u00e9s u paradis kan d’pevou m\u00e9 m’\u00e9klia avo\u00e9 los vi\u00eau du vlage, su los jheno\u00ea d’mon gran’p\u00e2re.<\/p>\n\n\n\n

S’los vieu, s’l\u00e9 viy\u00e9 s’ascht\u00e2von a ron mo\u00e9 la d’minghe apr\u00e9 lo v\u00e9pres, a l’ombre du grou p\u00eari \u00ab\u00a0bl\u00e9sson\u00a0\u00bb kan \u00e9 fass\u00e9 sch\u00f4 u bin kontre la moraill\u00e8 du gerni, u f\u00ealo\u00ea kan \u00e9 fass\u00ea la bise. Alo iti\u00e9 \u00e9 fasson marschi la lingue, d’vr\u00e9 barboti, \u00eaton su l’conti\u00ea d’leu joinnesse du bon viyeu tin.
Los vieu qu’la via av\u00ea \u00e9trailla du, \u00e9ton respect\u00e2 et \u00e9kut\u00e2 q’min los m\u00e9tre. E n’avon pa \u00e9tudia, m\u00e9 \u00e9 savon on mo\u00e9 d’chuze, mieux qu’l\u00e9 grousses t\u00e9tes apo\u00e9 \u00e9 l’avon to l’tin marschia drai. E vatia l’histo\u00e8re qu\u00e9 racontavon d’ze l’grou p\u00e8ri, in s’m\u00e2illin l’groin \u00e9 in sarin les p\u00f4tes p\u00e8 n’apa trop rire.
\u00ab\u00a0Te l’\u00e9nau u fin fon d’la comba d’Ire, a dou sin septante pis d’amo Deuss\u00e2, t\u00f4 pr\u00e9 d\u00e9s Bojhus, y’av\u00e8 d’ien lo bo\u00ea, to solet, on vieu c\u00e9libat\u00e8re, on ronnar\u00e9 qu\u00e8 n’\u00e9t\u00e9 pa tro tarrible, kan alt\u00e9 ben v\u00e9ria, v\u00e8ria, \u00e9 val\u00e8 mieux ‘pa graklyi los artoets d\u00e8 s’li balourien m\u00e8me quant a fass\u00e8 d’kupesses p\u00e8 rire
O gran Diu d’l\u00e9 no d\u00e9 oubl\u00eaya d’vo dire qu\u00e8 s’la t\u00e9t\u00e8 d’bo\u00ea qu\u00e9, kan alt\u00e9 in col\u00e8re, peussave del’le bramm\u00e9s \u00e0 fare trimbla les vyilles pesses d’la Comba d’Ire. Y \u00e9t\u00e8 on ors on grous ors avou\u00e9 ona groussa pio, d’griffes lonjhes qu’min ona trin-corbe, d\u00ea dins grousses qu’min los clious d\u00e9 Baujhes.
Kan alt\u00e9 ptiou, n’tron b\u00e9tian av\u00e9 intendu dire, qu\u00e9, loin ; l\u00e9 dava su l’adr\u00e8 du Semne, du flanc d’Sevri \u00e9 yav\u00e9 d\u00e8 vgni\u00e8. Su l\u00e9 cutes d\u00e8 Schantamerle, bien v\u00e8ria u fello\u00ea, \u00e9 l’aschampschi los r’sin \u00e9ton deu, ben secr\u00e2, d’vr\u00e9 mi\u00e9. S\u00e9 vo parl\u00e0 d’mi\u00e9 a on ors, a devin a m\u00e8tia fou !
\u00ab\u00a0M\u00e9 lo hommes \u00e9 vo mieu l\u00e9 v\u00e9re d’loin. Atan pass\u00e2 p’los bo\u00e9 p’l\u00e9 desroupi\u00e8, dr\u00e9 l\u00eav\u00e9 su l\u00e9 pires, \u00e9 vatia qu\u00e9 n’tron golu va p\u00e9 l’col de Ch\u00e9rel, gambiote dien lo pra du Scharbon bambane dapo\u00e9 Bornette, tant qu’\u00e0 la Frasse et p\u00e8 d’su Entreverne, s’infate p’la Cochette \u2026 arva iti\u00e9 ! \u2026
Gran Diu \u2026 tout qu’a n’v\u00e9 pa ! \u2026 Ou\u00ea ma f\u00ea ! la. Gr\u00e9vole l’monte t\u00f4 drai lo p’l\u00e9 piottes, l\u00e9 schambes l’incrule ! \u2026 Juste iti\u00e9 ya on grou golet as larjhe qu’la m\u00e9tia d’ona maison, ass’ien qu’on po\u00e9, qu’los hommes on creus\u00e2, p’l\u00e8 caschi avo\u00e9 d’rammes d\u00e8 fajous de ptiou forgalons, d\u00e8 foillie. S’li qu\u00e8 pt\u00e9 lo piottes d’sus, al fotu, t\u00f4 s’\u00e9gnafe, et ona coup leba dze, rin a fare p’sin sourti !
Vo n’m\u00ea crayi pa, droles dames ou bau monchus, v’z\u00e8tes qu’min San Thomas ? \u2026 Eh ben, monta l\u00e9no schu la Cochette, \u00e0 cout\u00e9 du vionnet, dze l\u00e9 grousses pesses, vo vari l’golet a m\u00eatia \u00e9bo\u00eala \u00e9 vo porri y p’ta non pa lo d\u00ea, m\u00e9 l\u00e9 schambes.
Avo\u00e9 la l’na d’abo travars\u00e2 lo bo\u00ea d’sant’Outaffi\u00e8, l\u00e9 gargules du Laudon \u00e9 no vatia su l’Semne \u00e9 u sonjhon d’schap\u00e9 d’Schantamerle. O y en on mo\u00e9 d\u00e8 vgn\u00e8s, los pass\u00e9s, los gorlions avo\u00e9 leu foillies ! in o u ben rojhe. E y a onco les b\u00ean\u00e8tes vo\u00e8des, totes pr\u00e9tes p\u00e9 vindinjhi l\u00e8 lindman.
N’tron golu core dien le vgni\u00e8 m\u00e9 al a bau r’g\u00e9ta, d’rzins pa ion ! Dien sa pr\u00e9sse, al na pa viu qu’la vgni\u00e9 \u00e8t\u00e8 jha vindendia. E ronne, l\u00e9 dins sarr\u00e2, te brossu quant a v\u00e9 on grou rzin un fin sonjhon d’onna gorli\u00e9. A corre l’groin ass’gran uv\u00e9, qu’onna pourte d’f\u00ea \u00e9 to d’on coup, ingo\u00e2fe l’rzin.
Alo onna tarrible borlaison f\u00e2 seuta to los Sevriolains. E y a qu\u00e9 crayon que l’Semne raffe dien l’l\u00e9 \u2026 portant \u00e9 y\u00e8 rin, \u00e9 y\u00e8 juste l’ors qu\u00e9 borle, a s’est \u00e9gliap\u00e2 onna din, su on \u00ab\u00a0conscrit jh\u00e8la\u00a0\u00bb
Saviv\u00e9 s’qu’\u00e9 y\u00e9 qu’on conscrit ? E y\u00e9 pas lo br\u00e2ves, los jhoennes gar\u00e7hons qu’on pass\u00e2 la r\u00e9vijhon, \u00e9 son te drus, \u00e9 bombon l’p\u00e8tre, \u00e9 s’dreffent min lo p\u00e9latons ?
Nan ! vo n’y \u00e9tes pas ! E y \u00e8 lo rzins qu’sont pas meu ! Los vieux d’zivon : \u00ab\u00a0Pav\u00ea ona bonna vindinjhe \u00e9 faut qu’los rzins pindon p’la M\u00e2delinne, lo rzins qu’son pa peu p\u00e8sant, p\u00e8 pindre p’l\u00e9 22 juill\u00e8, la M\u00e2delinne, \u00e9 saron pa preu meu tro jhoenne p’la vindinjhe, \u00e9 sara d\u00e9 \u00ab\u00a0conscrits\u00a0\u00bb.
Nion s\u00e2 qu’min.n’tron ors \u00ea r’monta dien la comba d’Ire, m\u00e9 y\u00e9 d’cheu nion n’la jam\u00e9 arviu ni parchu p\u00e8 Sevri.
P\u00e9 \u00e9 to drai, e fau vo dire, mo bons amis, qu’lo vieu m’on te l’tin d\u00ea a caschon, qu\u00e9 l’histore d’l’ors \u00e9 rzins d’Sevri, qu\u00ea y \u00e9t\u00e8 los ku sar\u00e2, los grous boyus d’Inncy qu’la barbotave tant qu\u00e9 povon, vo savi, s’lo bagolus qu’s\u00e9 dreffon l’cou, qu’\u00e9touille la corniule p’s\u00e8fare v\u00e8re, s’lo penfus qu’sachton d’van ona trablie ben fornait, \u00e9 assistes plin\u00e8s l’e verres qu’on pa d’bidoyon u d’piqu\u00e8te
E vo m\u00e9 dri, m\u00e9 p\u00e8qu\u00e9 dan ? \u2026 p\u00e8qu\u00e9 ? \u2026 M\u00e9 \u00e9 va to sel\u00e8 ! \u2026 Lo vin d’Schantamerle \u00e9ton connius \u00e9 ben d\u00e9mand\u00e0 ! \u2026 y in a on mo\u00e9 qu’aron ben volu b\u00eare \u00ab\u00a0l\u00e9 cutes d’san Martin\u00a0\u00bb, l’vin \u00ab\u00a0d’la Sanflire\u00a0\u00bb u d\u00e9 \u00ab\u00a0Ecol\u00e9s\u00a0\u00bb, rin qu\u00e8 d’in parla, los golus s’leschivon l\u00e9 potes ! \u2026
S’l\u00e9 vgni\u00e8s \u00e9ton pa preu grandes p\u00e8 fare d’vin p’to l’monde. Kan \u00e9 fall\u00e8 b\u00eare, s’lo boyus d’la velle, e sin ingorzlave atan qu\u00e8 dien ona maconn\u00e9se, dix coups d’pl\u00e9 qu’ien av\u00e8. Alo, vo savi preu, kan on a pa s’qu’on vodr\u00ea, on tape d’su, on in dit d’m\u00e2, on f\u00e2 d’grousses minteries.
Kan u bon vins d’Sevri, gran Diu, fau pa rire ! \u2026 Volive ona pruv\u00e8 ? \u2026 Ona vrait\u00e8, .. k’ min d’zivon los BOJHUS :
\u00ab\u00a0V\u00eate mes p\u00f4sches ! s\u00e9 pa d\u00e8 bo\u00e8 d\u00e9 plane, qu\u00e8 l’blan d\u00e9 jus m\u00e8 fondasse !\u00a0\u00bb \u2026
E ben, argu\u00e9t\u00e2 ben, l’papi qu’on not\u00e9re a escrit in 1730, on papi qu\u00e8 nion puve all\u00e2 contre. Sli papi \u00e8 dit \u00ab\u00a0qu’l\u00e8 vgn\u00e8s d’Sevri v\u00e2lon ben mieux qu’los \u00e2tres\u00a0\u00bb, \u00e9 los schanoennes d’Inncy, qu’s’y consivont su l’vin, \u00ab\u00a0\u00e9 n’in volon p\u00e2 d’\u00e2tre\u00a0\u00bb.
A po\u00e9, d’sive onco mon gran p\u00e2re, kan \u00e9 fass\u00e8 b\u00f4 tin, los monchus d’la velle v’gnivon p’Sevri avo\u00e9 leu prinpioles d’fennes qu’marchivon pointu, \u00e9 kan \u00e9 rencontr\u00e2von on tapa terre \u00e9 l’argu\u00e9tavon d\u00e8 iau, \u00e9 guingalovon la t\u00e9t\u00e8, \u00e9 l’groin in ku d’polaille \u00e9 demandavon ? \u2026
\u00ab\u00a0Allons mon brave, n’aurais-tu pas une bonne bouteille de Mondeuse \u00e0 nous vendre ?\u00a0\u00bb
Mauv\u00e9 l’vin d’Sevri ? \u2026 cr\u00e9 nom ! consivo d’grous monchus d’la velle qu’vulont b\u00e8re d’vartellion ?
Henri GURRET<\/p>\n","protected":false},"excerpt":{"rendered":"

L’ORS DE SEVRI Y a lontin de S\u00e8ti\u00e9, Kan d’itou t\u00f4 p tiou, avo\u00e9 l’minton, l\u00e9 zo\u00ea sin pieu, as pr\u00f4pre kon ku d’botoye, l\u00e9 piote as’grousse kmin d’alm\u00e9ttes, l’n\u00e2 b\u00e9ku, k\u00f3rieu kmin onna bellta, d’itou pl\u00e8 \u00e9reu k’ loz ang\u00e9s u paradis kan d’pevou m\u00e9 m’\u00e9klia avo\u00e9 los vi\u00eau du vlage, su los jheno\u00ea … Continuer la lecture de l’ours de Sevrier en patois<\/span><\/a><\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":[],"_links":{"self":[{"href":"http:\/\/azote.com\/wordpress\/wp-json\/wp\/v2\/pages\/158"}],"collection":[{"href":"http:\/\/azote.com\/wordpress\/wp-json\/wp\/v2\/pages"}],"about":[{"href":"http:\/\/azote.com\/wordpress\/wp-json\/wp\/v2\/types\/page"}],"author":[{"embeddable":true,"href":"http:\/\/azote.com\/wordpress\/wp-json\/wp\/v2\/users\/1"}],"replies":[{"embeddable":true,"href":"http:\/\/azote.com\/wordpress\/wp-json\/wp\/v2\/comments?post=158"}],"version-history":[{"count":1,"href":"http:\/\/azote.com\/wordpress\/wp-json\/wp\/v2\/pages\/158\/revisions"}],"predecessor-version":[{"id":160,"href":"http:\/\/azote.com\/wordpress\/wp-json\/wp\/v2\/pages\/158\/revisions\/160"}],"wp:attachment":[{"href":"http:\/\/azote.com\/wordpress\/wp-json\/wp\/v2\/media?parent=158"}],"curies":[{"name":"wp","href":"https:\/\/api.w.org\/{rel}","templated":true}]}}